Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, ka njoftuar se nga 206 testime, 38 qytetarë kanë rezultuar pozitiv me virusin COVID-19.
Sipas njoftimit, bëhet e ditur se gjatë 24 orëve të fundit, nuk është shënuar asnjë rast i vdekjes.
Sot janë shëruar 17 qytetarë, derisa numri i përgjithshëm i të shëruarve është 225.344.
Në total numri i rasteve aktive është 189.
Po ashtu, në 24 orët janë dhënë 53 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.830.333 doza të vaksinës.
Deri më sot 823.653 qytetarë janë vaksinuar me dozën e dytë.
Deri më sot janë dhënë 103.112 doza përforcuese dhe doza të treta të vaksinës kundër COVID-19.
