Kryeministri i Shqipërisë, Edi Rama, mori pjesë sot në samitin e NATO-s në Madrid.
Ai me këtë rast kërkoi që Kosova të ftohet menjëherë në mekanizmin e Partneritetit për Paqe në NATO.
Partneriteti për Paqe është program i bashkëpunimit dypalësh ndërmjet shteteve partnere euroatlantike dhe NATO-s. Sipas NATO-s, ky program ka për qëllim të rrisë stabilitetin, të ulë kërcënimet për paqe dhe të ndërtojë raporte më të forta të sigurisë mes partnerëve dhe aleancës.
Para fillimit të punimeve të Samitit, Rama publikoi në rrjetet sociale momente nga takimi me mikpritësin Pedro Sánchez, kryeministër i Mbretërisë së Spanjës dhe Sekretarin e Përgjithshëm të NATO-s, Jens Stoltenberg.
Para nisjes së punimeve të seancës plenare të Samitit, kryeministri Rama u takua me presidentin e SHBA-së, Joe Biden.
