Maqedonia e Veriut duket se do të bëhet vendi i radhës në Ballkan që do të marrë vaksinë kineze.
Serbia ‘theu akullin’, teksa më pas Hungaria edhe Mali i Zi nisën kontaktet, teksa në vazhdën e këtyre vendeve nuk mungon as Bosnja e Hercegovina.
Në Maqedoninë e Veriut vaksinimi s’ka nisur ende, teksa Ministri i Shëndetësisë Venko Filipçe ka deklaruar në një emision televiziv se qeveria ka hyrë në kontakt me dy kompanitë Sinovac dhe Sinopharm për të blerë vaksinën.
Vaksina kineze mund të jetë e para që do mbërrijë në Maqedoninë e Veriut, pavarësisht se vendi është në pritje nga ‘COVAX’ apo ‘dhuratat’ e premtuara të Serbisë e Bullgarisë.
